Muenzi haapazi dura

Ndimo mudura mangu muzere zvinyogwa zvangu zvavamwe zvandinomwa zvangu misi nenguva ndichirodza dzangu pfungwa. Mune iri dura ndinovazhira vayeni asi kune vamwe vayeni vanodzoka voti vakavazhirwa vokangwa kuti zvemudura iri zvinopota zvichidzorerwa kuti vamwe vawanewo kutesva utesve hwavo. Unobva washaya kuti tsumo iya inoti, 'Muenzi haapazi dura ndeyechokwadi here?' kana zvichinzizve, 'Pabva zino rave vende!' Zvino kana vakatora vasingadzosi ringazova dura rine kumeso here nhai vedu?