Yakaendepi Kisimusi?

Ava makore mazhinji ndichishaya kisumusi yandaitamba kare

Hameno akatora mufaro uya wakaiva nawo zviya kumafuro

Musi wekisimusi zviya tichitemana nemafete kwataipfudza mombe

Pasina kana umwe aiti muri kutambisa kudya

Nhasi mwana kudoinhedza fete rimwe kunge riripo ziso dvuku naye dzvoko

Zvoita kunge apisa dura rudo nemufaro kutama kunge mabearer cheque

Kana zviya zvataiita zvokuti misha yemana tinopotedza tichidya zvabikwa

Nhasi kuonekwa mumisha yemana zvonzi unokwata

Kukwata musi wekisimusi here chokwadi

Uya mweya wekugoverana zvatinazvo musi wekisimusi kwawakatamira ndashaya

Tangova rumwe-rumwe semakudo sehuku dzapandatswa negondo

Uyo nepapo kungotenderera aripo kutya kuudzwa kukwata

Kwakaendepi kufarira kisimusi kwataiita kuya zviya tichipwere

Kanawo navakuru vachitenderera nemwana kunwa nekudya zvisina mubvunzo

Chete pada chinonzi kisimusi ndicho chakatama

Kare rwaiva rudo, kugoverana nekufara pamwechete

Nhasi kwava kunyima, ruvengo neundoga

Kana mandiona ndasvika kwenyu musandikandira mavi

Handis kukwata asi kuronda kisimusi yandaiziva zuro

Kufungawo kuti pada ndichawana paruzere rudo

Irwo runozadzisa nekudya namafaro

Mana redu rigotekeshera nekuyanana saiho chido

Chaiye ane zuva ratinopemberera tichidya nekunwa.