Ticha vanoti
Ticha vanoti
Vuyai
nevana kwandiri
Muvhuro,
Chipiri, Chitatu, China neChishanu
Nditambe
navo
Ndichivavhurira
nzira yokufamba nayo
Nokuvatambidza
mwenje weupenyu unova dzidzo nezivo
Zivai
vana havazi venyu ndevenyika
Wazvara
mwana wazvarira vamwe
Mwana
anoyarutswa nemana
Huyai
nevana vavandudze nharaunda dzavo
Nyika
iwane pundutso kubva mune avo mabasa
Ticha
vanoti,
Imi
munopfigira vana mudzimba kuti vasaonekwa
navanhu
Kana
kutamba navamwe
Vuyai
navo kwandiri
Nditesve
utosvo hwavo
Vagova
vatari vemifananidzo, vavezi, vavaki, vaimbi,
Magwenyambira,
maridzangoma, negwenyautare
Musavarege
vachikura vasingazivi kuti dzidzo ndiyo nhaka
Wava
nayo wawana upenyu
Vaunzei
kuzvikoro, makoreji, nemayunivhesiti
Kuti
vagova magweta, vachuchusi, machiremba
Uye
vadzidzisi vamwe vavo pamwe nevamwe vakaita semi
Iyemi
musingagoni kuverenga zvi nyorwa neminwe uye kutaura nezviratidzo
Ticha
vanoti,
Vonai
vana kwete hurema
Mumba
hamugari maziso munogara munhu
Chikoro
hachidzidzwi nenzeve chinodzidza ipfungwa
Humhizha
hausi hwemaoko chete kana muromo unoumhizha
Ndiko
saka ticha vachiti huyai nevana kwandiri
Muvhuro,
Chipiri, Chitatu, China, Chishanu
Ndivatambidze
mwenje wavo
Ivo
vagova vakazvimirira pachavo kwete kuzendama pamuri
Vagova
shasha pakuratidza zvavanogona
Nemiwo
mugoona vanhu vanogona kwete hurema huri
pavari
Comments
Post a Comment