Kupembera zvangu

Handitambi nekutamba nemashoko

Shoko rabuda haripotsi semuseve, bara kana pfumo

Ndinotema mapazi akaoma pamichero semurimi

Ndichidurura mupfudze pamidzi semuti namashizha awo

Ndinourungira mazwi semuimbi wehari nehurungudo

Ndichishapura nyika semudzimai anoshapura imba yake

Pasi ringoona mamirire ayo nyika, hunhu netsika

Magariro zvichiti pamhene yacha

Kugarisana nekuyanana munongedzo ndisingapotsi

Ndicho chandakapiwa ichi chipo

Kuwana kutandara murino dandaro

Ndichisiya matsimba anozotsika rudzi runouya