Dai Usiriwe Zvako

Dai usiriwe zvako wakapisa sora

Dai usiriwe zvako wakatema miti

Dai usiriwe zvako wakaregera ndove yavanhu

Ichipinda mumatsime edu

Dai usiriwe zvako wokuedzera zvombo zvine muchetura

Mugungwa

Dai usiriwe zvako unoteurira mafuta edzimotokari

Akamboshanda munyanza

Dai usiriwe zvako unoshandisa zvombo zvine muchetura

Dai usiriwe

Iyewe iwe

Iwe muparanzongo

Mvura ine dutu

Iyoyi iyi inoyeredza madhaka

Neiya inoputsa makomo

Kana nzizi dzisingachengeti mvura

Namakore ezhara

Kana zuva rinopisa richitora upenyu

Tisingazvizivi.

Tinashe Muchuri  2008