Zvawariramwa!

                                                        Zvawariramwa nhasi                                                         

kurifuratira ndakupa

iro riya rawaisigezera risati rakwata

zvaita sei?

kuramwa rawaiti kana wodya nemeso anopinduka

iro dikita richiva deuteu rwizi rwemuzhizha

kunge wariwana woda kuziya

zvaita sei?

kuramwa randakupa nemwoyo unoda

ndichiti waridya ugonazva neminwe

zvako zviya meso uchiita kutsinzinyira

kunge she vode kurigwa nehope padare

zvaita sei?

kundipa rushambwa rwakadai

dai tange tinembwa pano

kana zvake mukomana wekuseri

kana idzo huku hadzo ndadzikandira

dzarikachura, kuriomberera kana kurichohonya

zvino zvapasina ndoripa ani?